Suzdal'EdIn50 0
Lidnanznam
|
Flag
|
| Valdkund | Venäma |
| Eläjiden lugu (2017) | 9 749 ristitud |
| Pind | 15,0 km² |
| |
| Pämez' | Larisa Majorova (sügüz'ku 2 016—) |
| Telefonkod | +7-49 231-xx-xxx |
| Avtokod | 33 |
| Aigvö | UTC+3 (MSK+0) |
Suzdal' (ven.: Суздаль) om Venäman lidn-muzei Vladimiran agjan pohjoižes. Se om Suzdalin rajonan administrativine keskuz da üks'jäine lidnankund.
Südäiolend
- 1 Istorii
- 2 Geografijan andmused
- 3 Eläjad
- 4 Irdkosketused
Istorii[redaktiruida | redaktiruida purde]
Eländpunkt mainitase ezmäižen kerdan vl 999 Uz'lidnan kodeksas. Lidnuz oli siš ümbri 10. voz'sadal jo arheologižiden kaivandusiden mödhe. Sidä mainitadas kahtenden kerdan vl 1024 Nestoran aigkirjas Suzdalin völhoiden torokan aigan kuti Suždal' lidnan statusanke.
Vozil 1238−1341 Suzdal' oli ühtennimižen ruhtinazkundan keskuseks. Vspäi 1778 se sai oficiališt lidnan statusad.
Suzdalin ižandusen päsarakod oma turizm da holituzsfer (50 adivpertid), mugažo suvenirceh omblendfabrikanke ratas lidnas.
Geografijan andmused[redaktiruida | redaktiruida purde]
Lidn sijadase Kamenk-jogen molembil randoil (Nerlin ližajogi, Kläz'm-jogen bassein). Matkad Vladimiran röunhasai om 26 km suvhe avtotedme. «Vladimir — Ivanovo»-avtote ümbärdab lidnad päivnouzmaspäi.
Klimat om ven. Keza om läm', tal'vel om pakašt. Paneb sadegid 547 mm vodes, kaikiš vähemb oleleb niid vilukus-sulakus (26..32 mm kus).
Eläjad[redaktiruida | redaktiruida purde]
Vl 1856 6 100 eläjad eli lidnas, vn 2010 Venäman rahvahanlugemižen mödhe eläjiden lugu oli 10 535 ristitud. Nügüdläižen lidnan kaikiš suremb ristitišt oli 12 100 eläjad vl 1992. Suzdalin Kreml' (om saudud 11.-12. voz'sadal, puvarmtesed paloiba lophu vl 1719), ortodoksižen hristanuskondan 5 jumalankodid da 30 jumalanpertid oma olmas lidnas.
Irdkosketused[redaktiruida | redaktiruida purde]
- Lidnan sijaližen tobmuden aluzkundoiden oficialine sait (gorodsuzdal.ru). (ven.)
 |
Suzdal' Vikiaitas |
| Vladimiran agjan lidnad | ||
| Aleksandrov | Gorohovec | Gus' Hrustal'nii | Jur'jev Pol'skii | Kameškovo | Karabanovo | Kiržač | Kol'čugino | Kosterövo | Kovrov | Kurlovo | Lakinsk | Melenkad | Murom | Petuškad | Pokrov | Radužnii | Sobink | Strunino | Sudogd | Suzdal' | Vladimir | Väznikad | ||
