Mebyon Kernowo PYySxtt LOुख्p
Mebyon Kernow (MK) yw parti politek ranndiryel yn Kernow. Y'n dewisyans dhe Westminster yn 2001, y kavsons 3 199 raglev, po 1.3% a'n sommenn. MK re gollas aga konseler Kernow unnik y'n dewisyans na. Lywydh an parti a-lemmyn yw Konseler Ranndir Dick Cole. Yma gans an parti nebes kevrennow gans Plaid Cymru yn Kembra hag an Parti Kenedhlek Albanek y'n Alban.
A-dhia an 11ves a vis Du 2004, yma peswar konseler MK yn Ranndir Kerrier, unn yn Rostorrmoel hag unn yn Kernow Kledh. Yma konseloryon erell war gonsels trevow, r.e. Kammbronn ha Lyskerrys. Yn 2005, Konseler Loveday Jenkin a junyas governans Ranndir Kerrier, an kynsa esel a MK y'n soedh na.
Yn dewisyans 2005, MK a dhewisas avel aga ombrofyoron:-
- Dick Cole rag Kernow Kledh
- Conan Jenkin rag Truru ha Sen Ostell
- Graham Sandercock rag Soth-Est Kernow
- Hilda Wasley rag Aberfal ha Kammbronn
Yn Porthia, nyns esa ombrofyer awos kesunynas MK ha'n Parti Gwyrdh. Y kwaynyas MK 1.7% a'n raglevow y'n peswar esedh a jallenjsons i; an kesunyans MK/Gwyrdh warbarth a waynyas 2.0% a'n raglevow dres Kernow.
An erthygel ma yw skrifys yn Kernewek Kemmyn.
Gwiasva[chanjya | pennfenten]
- Mebyon Kernow
|
Porth Kernow – Tre rag folennow ha klassys Wikipedya a-dro dhe Gernow. |
