Зверева Наталия ИвановнаWir Bb CcHetes ‐er TCLWw EeQqdp Q
Наталия Ивановна Зверева – нуучча менеджерэ, “Биһиги кэскилбит” эрэгийиэннээҕи социальнай бырагыраамалар пуондаларын дириэктэрэ.
Биографията[уларыт | биики-тиэкиһи уларытыы]
Наталия Зверева 1992 сыллаахха Прикладной биотехнология Москубатааҕы үнүстүүтүн “экэнэмиис” идэлээх бүтэрбитэ. Плеханов аатынан Нуучча сударыстыбаннай үнүбэрсиэтигэр үөрэммитэ.
1993 сылтан 1996 сыллаахха диэри “НИКойл” аһаҕас аахсыйалаах уопсастыбаҕа кылаабынай буҕаалтырынан үлэлээбитэ. Кэлин Экэниэмикэ уонна үп-харчы департаменыгар көспүтэ.
2005-2007 сыллардаахха “Уралсиб” баан бырабылыанньатын бэрэссэдээтэлин сүбэһитинэн уонна инвестиция управлениетын сүбэһиттэрин сэбиэтин салайааччытынан үлэлээбитэ.
Наталия Зверева 2007 сыллаахтан саҕалаан түмэт урбаанньыт Вагит Алекперов төрүттээбит “Биһиги кэскилбит” эрэгийиэннээҕи социальнай бырагыраамалар пуондаларын салайааччытынан үлэлиир. Бу пуонда Арассыыйаҕа инбэлииттэр, элбэх оҕолоох ыаллар уонна оҕо дьиэтин иитиллээччилэрэ бэйэ дьыалатын, бисинэһин саҕалыылларыгар көмөлөһөр биир бастакы пуонда буолар.
Зверева 2012 сыллаахтан саҕалаан РФ Эргинэ-бырамыысыланнас салаатын Сүрүннүүр сэбиэтин бэрэссэдээтэлин солбуйааччытынан үлэлиир, палаата иһигэр түмэт биисинэс уонна урбаан боппуруостарын хонтуруоллуур.
Кини ыстатыйалара “Эксперт” сурунаалга, “Ведомости” уонна “Частный корреспондент” хаһыаттарга бэчээттэммиттэрэ. Кини Дмитрий Медведев уонна миниистирдэр кэбиниэттэрэ кыттыылаах урбаанньыттар улахан көрсүһүүлэригэр кыттыбыта. Үгүс наҕараада хаһаайына.
