Ze smelten de paashaashnpbascou0BoSo5a ao lha smLtidry dds h
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Haorsters, as te dit dialek sjpriks.
"Ze smelten de paashaas" is e humoristisch Nederlandstaoleg leed vaan de Haorster punkband De Heideroosjes, aofkumsteg vaan hun album Noisy fairytales oet 1992. 't Huurt dao neet bij de regulier späöllies, meh steit achteraon de plaat es 'very idiot (sic) bonus track'.[1] 't Leedsje is neet op single oetgekoume meh heet sinds 't oetbringe vaan de plaat e gans eige leve geleid, boedoor 't allewijl eint vaan hun bekindste leedsjes is.
Inhawd
- 1 Tekstuelen inhaajd
- 2 Meziek
- 3 Erkinning
- 4 Rifferenties
Tekstuelen inhaajd[bewirk | brón bewèrke]
D'n track weurt veuraofgegaange door 'n "EO-deensmètdeiling", die waarsjouwt veur groof taolgebruuk. In 't leedsje vertèlt Marco Roelofs in de ierste persoen 't verhaol vaan 'ne maan mèt 'n Amsterdams accent. De maan kump in de sauna de paoshaos tege, dee häöm lestegvèlt. Es vraak drejt de maan de temperatuur umhoeg, um de paoshaos te smelte. Deenzelfden aovend kump 'r 'm in de snackbar toch weer tege; de maan vint 't genóg en smiet de paoshaos finaol in de frituurpan. Tössedoor vreug zie zäönsje nog of de paoshaos wel besteit, boe-op de vertèller koed weurt en 't keend mèt fysiek geweld dreig.[2]
D'n titel, dee versjèllende kiere es yell in 't leed klink, is aofgeleid vaan 'n reclamecampagne vaan smeerkiesproducent ERU, die es slaagzin had Ze smelten de kazen.
Meziek[bewirk | brón bewèrke]
Muzikaol gezeen is dit leedsje veur de Heideroosjes zier atypisch. In plaots vaan de gebrukeleke punk besteit de muzikaol begeleiing allein oet 'ne veurgeprogrammeerde beat oet e keyboard, in 't refrein aongevöld mèt e paar akkaorde in 't "orchestral hit"-rezjister. De teks weurt neet gezoonge of gerap meh gewoen gesproke.
Erkinning[bewirk | brón bewèrke]
Deejay Leon Verdonschot neumde dit leed "woersjijnelek eint vaan de bèste Heideroosjesnommers oets, al zalle de bandleje dat noets pebliek beame."[3]
'n Coverversie vaan de Belzje kemik Urbanus versjeen in 2009 op 't dobbelalbum Ode & Tribute. De mètdeiling aon 't begin oontbrik; veur de res volg de teks, noe in 't Verkavelingsvlaoms, 't orzjineel vrij getrouw. Dees versie slut de twiede sjijf vaan 't dobbelalbum, Tribute, aof, boe versjèllende Nederlandse en Vlaomse artieste leedsjes vaan de Heideroosjes covere es ierbetuin bij hun 20-jaoreg bestoon.
Rifferenties[bewirk | brón bewèrke]
- ↑ Tracklies vaan 't album Noisy fairytales
- ↑ Songteksten.net - teks vaan "Ze smelten de paashaas"
- ↑ Leon Verdonschot, liner notes bij Ode & Tribute
